|
Corea
do Sur fai trampas
Segundo unha nova
recollida polo New
Scientist, un estudo dos biólogos da
Universidade Estatal de Oregón, Estados Unidos, pon en
evidencia os datos proporcionados polo goberno de Corea
do Sur respecto á captura de baleas. Segundo as leis
dese estado, a carne de balea pode ser vendida se os
animais son atrapados “accidentalmente” polas redes
dos pescadores. Cada exemplar atrapado debe ser
notificado ao goberno para o seu rexistro. Así, podemos
saber que entre 1999 e 2003 as redes coreanas capturaron
458 rorcuais alibranco (Balaenoptera
acutorostrata).
O estudo dos biólogos de Oregón
demostra que os números non cadran e o número de
capturas dobra o declarado. Os investigadores mercaron
carne de balea nos mercados de Corea do Sur e analizaron
o ADN para determinar o número de rorcuais postos á
venda. A análise dos datos e a estimacións estatísticas
mostraron que no devandito período de 1999 e 2003 se
capturaron 827 rorcuais alibrancos.
Os goberno de Corea do Sur e do veciño Xapón manteñen
unha política de caza e captura de cetáceos á marxe
dos acordos internacionais e mesmo vulnerando os por
eles asinados.
|
