Botes, recuperado e en liberdade
O lobo mariño Botes que se recuperaba no Acuario do Grove
desde o pasado 2 de febreiro vai ser ceibado o 2 de abril. A
CEMMA
recuperou e coidou de Botes logo da súa chegada en xaneiro de
2008.
Daquela, era un pequerrecho de cen centímetros e só vinte
quilogramos, mal nutrido, deshidratado e cunha afección subcutánea
na parte posterior da cabeza.
Logo dos primeiros coidados, dunha
intervención cirúrxica para tratar a doenza da cabeza e asegurar un
bo estado xeral de saúde, a foca pasou ao Acuario do Grove para
exercitar a súa musculatura e gañar peso. O mércores dous de abril,
Botes partirá no buque pesqueiro Ferreira Martínez
desde o porto de Marín.
En 2007, CEMMA atendeu vinte e dous
cetáceos, lobos
mariños e tartarugas mariñas, o nove por cento dos 260 exemplares
varados nas costas galegas.
|
