CEMMA lembra o seguinte código de conduta no caso de atoparse con Gaspar ou outros golfiños:

Tratar de manter o mínimo contacto e a máxima indiferenza para non perturbar o seu comportamento.

Non darlle nunca comida.

Non meterse nunca na auga ao seu carón.

Observalo a distancia sen achegarse.

Se estás na auga non tratar nunca de tocalo nin de aproximar as mans.

Saír inmediatamente da auga e afastarse do seu contacto.

Se estas nunha embarcación:

Non aproximarse nin interromper o seu comportamento.

Adoptar unha posición neutral e indiferente se se achega o animal mantendo o mesmo rumbo e velocidade

 Non cambiar de dirección ou velocidade de xeito brusco.

Se o tes na popa: coidado, gosta de meterse baixo o motor. 

Lembra que o contacto cun arroaz é unha situación de risco de agresión ou contaxio de enfermidades dérmicas e pulmonares.