|
Vixilancia dos
efectos do cambio climático
Paliar os efectos do cambio climático
nos recursos hídricos é unha das principais liñas de
investigación iniciadas polo
equipo do laboratorio de Enxeñería da Auga e
Desenvolvemento Rural, que dirixe o profesor Dafonte
no Campus de Lugo.
Segundo explican os
investigadores, o cambio climático está a provocar un
aumento da temperatura e un descenso dos recursos
hídricos, que, entre outras moitas consecuencias, está
limitando o desenvolvemento de fauna piscícola como os
salmónidos. Conxuntamente coa Universidade de Vigo están
a estudar o efecto da vexetación de ribeira como
regulador da temperatura da auga e tamén, polo tanto,
como medida de xestión para reducir os efectos do cambio
climático.
Estes traballos buscaron en
primeiro lugar e a partir de modelos rexionais
existentes de predicción de cambio climático, estimar o
efecto nos recursos hídricos mediante o uso de modelos
hidrolóxicos e posteriormente o uso de modelos de
simulación da temperatura da auga para avaliar o efecto
da lonxitude e anchura das franxas de vexetación
ripícola na reducción do incremento de temperatura de
auga esperado.
|
