Afrotheria
Afrotheria, a superorde de mamíferos que agrupa os elefantes, manatís e
dugongs, sengi e as toupas douradas. Coma outras categorías taxonómicas,
Afrotheria existe desde hai pouco, desde a década dos noventa do século XX,
e xurdiu apoiándose nas análises biomoleculares e na comparación de
secuencias de ADN.
Cando a perda de biodiversidade é unha das características dos tempos que
estamos a vivir é bo que poidamos celebrar o descubrimento de novas especies
no planeta. Un novo mamífero moi singular acaba de ser descrito nas montañas
de Tanzania.
Trátase dunha estraña criatura, que recibiu o nome de Rhynochocyon
udzungwensis, un tipo de gran musaraña elefante, ou sengi.
O animal aparece descrito en Journal of Zoology. Pola súa forma,
semella unha mestura entre un antílope anano e un pequeno oso formigueiro.
Ten o tamaño dun gato pequeno, duns trinta centímetros de lonxitude, pero
máis gordecho.
|
