Buscando novos antibióticos
Os biólogos do MIT están
buscando
novos antibióticos nos metabolitos producidos por microorganismos do
xénero Rhodococcus. Os xenes coa información precisa para fabricar
substancias antibióticas están, normalmente, inactivos e só cando as
bacterias se senten ameazadas por outras células comezan a sintetizar
compostos de acción antimicrobiana.
Kazuhiko Kurosawa traballa con cultivos bacterianos investigando que
produtos sintetizan en resposta a cambios estresantes da súa contorna, Por
exemplo, cultivos conxuntos de varias especies de microorganismos. Nun
deles, de Streptomyces e Rhodococcus descubriu que unha
substancia producida por este último liquidaba as colonias de
Streptomyces. Kurosawa e o seu equipo illaron a tal substancia dándolle
o nome de rhodostreptomicina. Probada con cultivos doutras bacterias
demostrou unha efectividade insólita, incluso con castes virulentas de
Helicobacter pylori.
Rhodostreptomicina é unha molécula peculiar: está composto por
azucres cunha estrutura de anel antes non vista. A estrutura é o
suficientemente manipulábel para sintetizar outras moléculas derivadas, máis
efectivas ou cun espectro de acción máis amplo.
O estudo do xenoma de Rhodococcus mostrou un megaplásmido recibido
de células de Streptomyces. Os biólogos do MIT creron que aí estaban
os xenes implicados na produción do novo antibiótico pero os xenes do
plásmido analizados nada teñen que ver coa produción de rhodostreptomicina.
Os mesmos investigadores cren que o plásmido do Streptomyces é
considerado polas células de Rhodococcus como unha agresión comezando
a produción do antibiótico. É posíbel que as interaccións entre os xenomas
de Rhodococcus e o plásmido de Streptomyces explique,
finalmente, a síntese de rhodostreptomicina.
Si os biólogos chegan a deducir como sucede isto, podería comezar unha
póla de traballo de manipulación de xenomas bacterianos para deseñar novos
antibióticos.
|
