Hai vinte anos, no 1988, que se constituíu o Consorcio Internacional para
Secuenciar o Xenoma Humano, o primeiro plan para coñecer a secuencia de
nucleótidos –as subunidades que forman os ácidos nucleicos–, do noso ADN.
O Proxecto Mil Xenomas (PMX) quere crear un pormenorizado
mapa da variabilidade xenética humana. Detrás do proxecto
semella haber un interese puramente científico e coma noutras
empresas de referencia sobre o xenoma, os datos do PMX estarán
dispoñíbeis para todo o mundo en bases de datos de acceso libre.
Así a todo, a busca de xenes singulares é de grande interese
para a industria médica e farmacéutica.
