Os vellos cangrexos de ferradura
Os cangrexos de ferradura ou xifosuros apareceron a finais do Precámbrico.
Non obstante, os fósiles máis vellos están datados no Ordovícico.
Até agora, os máis vellos tiñan uns 350 millóns de anos de antigüidade
pero o rexistro fósil destes animais vén de dar un salto de cen millóns de
anos co
descubrimento de Lunataspis aurora en Manitoba central, Canadá.
A descuberta está publicada no British Journal Palaeontology. Os
paleontólogos que traballaron no asunto son un equipo de científicos
canadenses dirixido por
Dave Rudkin do
Royal Ontario Museum.
Os xifosuros actuais viven en América do Norte, sueste asiático e
Malaisia, Tailandia e Filipinas. As catro especies vivas son moi semellantes
aos restos fósiles conservados. É posíbel que moi cedo vaian facerlle
compaña xa que as poboacións de xifosuros están experimentando un retroceso
a ritmo de extinción.
|
