A eclipse segundo Óscar Blanco

O astrofotógrafo oficial deste sitio e presidente da Agrupación Astronómica Coruñesa Io  marchou cos socios do grupo da até Zamora para seguir a eclipse anular de Sol do tres de outubro.

Desde alí mandounos unha fermosa secuencia de imaxes da eclipse dispoñíbel na nosa sección de Astrofotografía.

© Oscar Blanco e Borja Tosar, 2005

Saturno desde A Coruña

Por alá anda a Cassini e desde A Coruña é así como pode verse. Óscar Blanco e Borja Tosar, ambos os dous membros da Agrupación Astronómica Io da Coruña, adaptaron unha webcam ao seu telescopio para obter esta imaxe do planeta Saturno. A fotografía é do 22 deste mes de xaneiro de 2005.

Tres fotografías do ceo galego no verán. As tres son de Oscar Blanco, astrofotógrafo e presidente da Agrupación Astronómica Coruñesa Io (AACIO). A primeira é da Nebulosa de Norteamérica e Nebulosa do Pelicano debaixo de Deneb. A segunda está dedicada á constelación de Saxitario e a terceira á de Escorpio.

© Oscar Blanco, 2004

Dúas fotografías da Lúa crecente e Venus, e da cara escura da Lúa iluminada pola luz cinsenta, feitas o 22 de abril de 2004 no ceo coruñés. Vixiante ao paso do astros está a Torre de Hércules. Óscar Blanco fixo ambas as dúas cunha cámara Yashica reflex e teleobxectivo 100-300 a F5.6.

Imaxe de constelación do Cisne (Cygnus) obtida por Oscar Blanco.   A estrela máis brilante da foto é Deneb, unha estrela enorme e moi afastada que podemos ver case todo o ano (agás no inverno). Ó seu carón, por debaixo,  está NGC 7000, a Nebulosa de Norteamérica que toma o nome polo parecido xeográfico.

Unha espléndida imaxe da máis famosa das constelacións boreais. Realizada en Piggy Back sobre montura ecuatorial alemana motorizada, con 10 minutos de exposición e unha cámara reflex Yashica e película diapositiva Fuji Sensia 400 asa. 

© Juan José Picón, 2003

Bonita imaxe dos cráteres da Lúa. A fotografía de Juan José Picón tirouse cunha cámara dixital acoplada a un telescopio.

Solpor no Atlántico

Saxitario

Unha fermosa imaxe da constelación de Saxitario feita por Óscar Blanco Varela. A fotografía fíxoa no verán de 2003 dende Montesalgueiro (Aranga, A Coruña). Na imaxe aparecen nebulosas e cúmulos en amplas zonas da Vía Láctea.

Juan José Picón fixo esta abraiante toma de Marte canda a oposición de 2003. Pódese ver o casquete polar sur e amplas zonas escuras do hemisferio sur marciano.

M42 

Unha nova fotografía de M42 obtida por Oscar Blanco Varela. 

 M42, a Nebulosa de Orión ou NGC 1976 é unha brillante nube de gas asociada a unha rexión de formación de estrelas. 

Solpor

Oscar Blanco, presidente da Asociación Astronómica Coruñesa Io, agasallounos con esta fermosa fotografía do ocultamento do Sol polo horizonte coruñés.

Expedición ás Canarias

En outubro de 2002, varios membros da Asociación Astronómica Coruñesa Io (AACIO) marcharon de expedición á Illa de La Palma. Ademais de visita-los telescopios do Observatorio del Roque de los Múchachos, dedicaron  tempo á observación astronómica propia e á astrofotografía.

Oscar Blanco, presidente da AACIO, tomou estas tres novas e magníficas imaxes: 

- A primeira é unha nova fotografía da Nebulosa de Orión (M42), tomada cunha exposición de 15 minutos e unha cámara Yashica acoplada a un refractor de 500 mm de focal e 102 mm de diámetro.

- A segunda é das Nebulosas da  Águia e Omega: Nebulosas da zona Saxitario-Serpe, tomada cunha exposición de 10 minutos e o mesmo equipo ca anterior.

- A terceira é da cúpula do Gran Telescopio de Canarias, un xigante de 10 metros de diámetro e aínda en fase de construcción.

Constelación do Cisne

Unha nova imaxe da Constelación do Cisne. Óscar Blanco tomóuna en Vila de Cruces, coa técnica de Piggy Back, 15 minutos de exposición  e unha cámara Yashica FX3. A película é de diapositiva de 200 asa.

Elvis López emprega a súa cámara web para fotografa-los planetas cando, segundo el mesmo di, "pasan por diante da súa xanela". Esta imaxe é de Venus e a súa cámara é unha Philips ToUcam Fun.

© Oscar Blanco, 2002

Esta imaxe da Constelación do Cisne é de abril de 2001. Óscar Blanco obtívoa en Arillo preto da Coruña. Nela pódese observa-la constelación e sinaladas por Óscar, as estrelas Deneb e Albireo, ademais da nebulosa NGC7000 ou Nebulosa de Norteamérica. 

Orión

Unha nova imaxe do astrofotógrafo coruñés Óscar Blanco. Neste caso trátase da constelación de Orión, seica a máis coñecida, coa Osa Maior, do hemisferio norte celeste. Orión é recoñecible polo cuadrilátero que forman as estrelas Saiph, Rigel, Betelgeuse e Bellatrix. O aliñamento das tres estrelas no medio do cuadrilátero está formado polas estrelas Alnitak, Alnilam e Mintaka, coñecidas como as "Tres Marías". Baixo éstas é por riba de Saiph e Rigel obsérvase a Nebulosa de Orión (M42).

Os datos técnicos da imaxe: 
-Yashica FX3
pelicula de 400 asa
- Refractor D150, F1200, f8 cunha montura ecuatorial motorizada
- Exposición 5'

Imaxes do agrupamento planetario1

Fotos do agrupamento planetario dende Oleiros coa cidade da Coruña ó fondo e o castelo de Santa Cruz en primeiro plano. 

Nesta serie podermos observa-lo triángulo formado por Saturno, Marte e Venus. Aliñado con Venus está Mercurio e máis afastado, por riba de Marte e Saturno anda Xúpiter.

Oscar Blanco fixo as fotos cunha Yashica fx-3 sobre trípode, e cunha película de diapositiva Fuji sensia de ISO-100.

Para ve-las imaxes a maior tamaño prema por riba delas.

Imaxes do agrupamento planetario 2

Óscar Blanco Varela  é un astrofotógrafo da Coruña que obtén unhas imaxes realmente fermosas. Algunhas poden verse nesta mesma páxina. Co gallo do agrupamento planetario vén de face-la seguinte serie de fotografías.

Óscar fotografou ós cinco planetas do aliñamento o día 29 de abril, contra as 22:30, hora galega. Elixiu un sitio inmellorable: o Acuarium Finisterrae da Coruña. 

Con moito inxenio, nas imaxes sempre hai cinco ou seis planetas: Saturno, Marte, Venus, Mercurio e Xúpiter e/ou a Terra.

Tódalas fotografías están feitas cunha exposición de 15" empregando unha película de 400 ASA.

Para ve-las imaxes a maior tamaño prema por riba delas.

Imaxes do agrupamento planetario 3

Óscar Blanco mandounos esta fermosa imaxe do agrupamento planetario visto dende A Coruña. A imaxe foi tomada o pasado 22 de abril cunha cámara réflex montada nun trípode.

A Lúa dende Soutomaior

Dúas novas fotos lunares. Son de Uxío Ferreiro dende Soutomaior. As imaxes son do 30 de abril de 2002, canda a Lúa pasaba xusto polo Sur.

 Uxío empregou un telescopio refractor de 700 mm de focal e 76 mm de diámetro. Para fotografa-lo satélite "pegou" o obxectivo dunha cámara dixital Sony DSC-P1 ó ocular. E estes son o resultados.

Imaxes do agrupamento planetario 4

Dende Vigo, Elvis López capturou outra imaxe coa súa cámara web. Elvis fotografou ós planetas Venus, Marte e Saturno na noitiña do 25 de abril. Segundo el mesmo conta, fixo varias probas cos controis da súa cámara ata obte-la imaxe desexada.

Curiosa imaxe de Marte tomada cunha ¡cámara web!. A fotografía fíxoa Elvis López, de Vigo, en xuño de 2001, nos días do máximo achegamento Terra-Marte.
Elvis empregou unha webcam Philips ToUcam Fun.

Saxitario

Oscar Blanco Varela fotografou a constelación de Saxitario e a Marte en xuño de 2001.  Fixo exposicións de  10 minutos, empregando unha reflex en paralelo a un telescopio sobre montura ecuatorial e con seguemento motorizado.

O cometa Ikeya- Zhang

No Turó de l´Home, Montseny, a 1.700 metros de altura, Francisco Peláez Navarro de Vilassar de Mar, Barcelona, tirou esta espectacular imaxe do cometa Ikeya- Zhang (C2002/C1).
Francisco Peláez fotografou ó cometa o pasado 24 de marzo. Utilizou un telescopio refractor paralelo Lx200 de 80 mm. A exposición foi curta, de 4 minutos, e a película empregada foi de Fuji, de 400 asa.

O cometa Ikeya- Zhang

Oscar Blanco Varela  é o autor destas imaxes do cometa Ikeya- Zhang. Blanco fotografou ó cometa o pasado 23 de marzo.
 As fotos foron feitas no concello de Aranga preto da Coruña. 
Utilizou un telescopio refractor de 1200 mm de focal e 150 mm de diámetro, mais unha cámara Yashica FX3, mediante a chamada técnica de foco primario.
A exposición foi curta, uns 3 ou 4 minutos, con seguemento guiado por motor, en montura ecuatorial. A película é de Fuji, de 400 asa.

A nebulosa de Orión

Imaxe da Nebulosa de Orión (M42) tomada por Oscar Blanco e Juan José Picón. Fixérona o pasado novembro en Sada (A Coruña). Os datos técnicos: 

- Fujichrome Provia 400 ASA
- Minolta X700 a foco directo
- Refractor D150, F1200, f8
- Exposición 1' 30"

Os autores dixitalizaron a imaxe e tratárona nun PC.

A Lúa dende Sada

Imaxe da Lúa tomada por Juan José Picón e Oscar Blanco  . Fixérona o pasado novembro en Sada (A Coruña). Os datos técnicos: 

- Fujichrome Provia 400 ASA
- Minolta X700 a foco directo
- Refractor D150, F1200, f8
- Exposición 1/250

Os autores dixitalizaron a imaxe e tratárona nun PC. 

© Canal Ciencia