|
Diferencias entre as simetrías de
moluscos bivalvos e braquiópodos. Modificado de © Kansas
Geological Survey, Universidade de
Kansas.
Os braquiópodos son un grupo de animais que apareceron no
Cámbrico. Aínda existen unhas cen especies e coñécense máis de tres
mil especies fósiles. A maioría deles estaban fixados ó solo mariño
polo pedúnculo. Semellan moluscos bivalvos pero a diferencia destes, os
braquiópodos teñen simetría a traveso das valvas (simetría bilateral
no plano anteroposterior) no canto da simetría bilateral dos moluscos ó
longo do plano de unión.
Os terebratúlidos son o grupo máis recente de braquiópodos.
As súas cunchas e o gonzo
son redondeados. As cunchas son lisas sen estrías nen suco central
e semellan as do xénero Atrypa.
As cunchas
dos rhynchonélidos teñen costelas radiais, un perfil case
triangular e coa punta da valva do pedúnculo saínte coma o peteiro
dun loro.
Caras
internas dun braquiópodo. A da esquerda é
a valva
ventral e a da dereita a valva dorsal. A fotografía é
de ©Paleontologisk Museum, Universidade de
Oslo.
Ligazóns
|
